చేతులుకురిసినచేతన

కురిసేచేతులుంటే
మొలిచే భూమి వుంటుంది
మొలిచేభూమిలోంచి
మొక్కపరీమళిస్తుంది

ఆకాశానిదేముంది
అదివట్టి వేదిక
సముద్రంఆవిరవందే
మేఘంఆసీనం కాలేదిక

మేఘానిదేముంది
అది హృదయానికిస్పందనాకృతి
హృదయంసముద్రం కావడానికి
కరుణ కరిగి కదలాలి

కరుణదేముంది
అదిలాలిత్యపుభావన
ఓదార్పుదిక్కులనుంచి
ఎడారి ఓడ మోసుకొచ్చేజంటల సాధన

జంటలదేముంది
విశ్వాసపుకలయిక
నిలచి నిలుపుకోగలిగితే
వ్యష్టినుంచిసమష్టి వైపుచేతన

చేతనంటేఏమిటింతకూ
నీ,నా అనేమన చేతనయే
భూమిని సాగుచేసేందుకు
కలిసి కురిసేమన కృషియే
చేతులు కురవడమంటే అంతే!

మొక్కవోనిదీక్షతో
మనసు పరీమళించాలి
మనసుమనసు కలిపి
మనంపరిశ్రమించాలి

కురిసేచేతులుంటే
మొలిచేభూమి వుంటుంది
మొలిచేభూమిలోంచే
మానవత్వంపండుతుంది